بص بقى من الاخر

في واحد أمه ادتو لسواق تكسي علشان يوصلو لمحل وقالت لسواق التاكسي لا تتكلم مع الولد علشان قليل ألادب

فقلها طيب

والسواق ماشي في الطريق قال الولد ياريت أبويا عصفور وأمي عصفورة علشان يجيبو عصفور صغير

بعدين قال يا ريت أبويا غزال وأمي غزالة علشان يجيبو غزال صغير....

وأستمر على هذا الحال الى أن اتنرفز السواق وقاله لوأبوك وأمك وسخين هيجيبو اية؟؟

قال : يجيبو سواق تاكسي




واحدة حامل فى ثلاث توائم

يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب

وطلع الطفل الثانى لقاح زى أخوه قعد يضربه لما فاق وركنه

جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس

الممرضة جت تكمل لقت الطفل الثالث طالع براسه بالراحة وبيسألها

هو الراجل اللى بيضرب العيال مشى ولا لسة




واحد اشترى طبق دش ، اكبر حجم وحطه فوق السطوح

وعلشان خايف عليه من السرقه نزل قال للحته كلها أن فيه كلب كبير جدا فوق السطوح

فاتنين من اهل الحته خادهم الفضول

فواحد بيقول للتاني تقدر تطلع تشوف الكلب قاله أيوه أقدر أنا مش بخاف

فطلع الراجل وشوية نزل بيجري

صاحبه بيقوله شفت الكلب قاله لا شفت الطبق اللى بياكل فيه




اتنين قاعدين بيحششوا فوق السطوح

الاول: الحق يا منير ابوك مات .. ، راح شدله حجرين وقعد يعيط

بعد شوية الحق يا منير امك ماتت ... ، راح شدله حجرين تانى وقعد يعيط

شويه يا منير الحق اخوك مات

راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه

وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً




الدكتور بيلف على العيانين فشاف واحد بيخبط دماغة فى الحيط فسال الممرضة ماله ده ؟؟

قالت له ده كان بيحب واحدة لكن مجوزهاش

فدخل الدكتور العنبر التانى فشاف واحد ماسك شبشب وبيخبط على دماغه فسال الممرضة وده ماله ده؟؟

قالت له ده الى اتجوزها